Parent Guide Licensed Child Care Rohingya

Explore your options

Browse the licensed child care options below to see the differences between them. This may help you choose a provider. The Ministry also has a list of common questions (available in 30 languages) to ask a provider when looking for child care.

Waterloo Region ót Laisénóla Miyari Gurafuar Kíyar baabote Maabaf ólla Hédayot

Waterloo Region ót gurafuar kíyar buzóon


Hédayot yían Cómborke

Ekzon maabaf hisafe, oñne oñnor fuar sóbse aiccá bálayi soon. Gurafuar kíyar tuaíluwa duk laifare, lekin hédayot yíanót oñnor ar fuar sóiyí furgram tuailuwa baabote oñneoñne zanibolla sóode íín beggín asé.

Kíyar or kisím ókkol

Waterloo Region ót gurafuar kíyar or alok alok kisím ókkol asé.

Furgram ókkol laisénóla yáto laisén sara oitfaré. Ektiyar ókkolor bútore senthar-buniyadi yáto góror-buníyadi gurafuar kíyar cámil asé. Eskulor age ar foror eskul-bócor gurafualla gurafuar kíyar furgramókkol fazaibou.

Laisénola gurafuar kíyar

Laisénola gurafuar kíyar ottú hámaha gurafuar séhet, héfazoti ar torkíola zorurót ókkolor modot ólla iklimi esthndhad (Child Care and Early Years Act, 2014 ót hulasa goijjé hisafe) mana foribou. Fúrgramókkol íín manizadé yían Ministry of Education or duara negeranigoré ar cekgoré. Laisénola furgram ókkolor gór yáto senthar ót golíbar mukór hañse namor uore ekkan hail sínno dehaíbo.

Canada Wide Early Learning and Child Care (CWELCC) furgramót córikóiya laisénola gurafuar kíyar soloya ókkol ar laisénfaíye eskul boudh ókkol só bósoror hom bócor gurafuaindor fémliókkolore homaiya hóssa zañse. Hontará fúrgram ibat córikór yían sáaibólla Region of Waterloo CWELCC websáith ót soo.

Laisén sara gurafuar kíyar

Laisén sara gurafuar kíyar fúrgramókkol ore ekkan nalic nófa foijjonto Ministry of Education e cek nogoré ar Child Care and Early Years Act, 2014 mozin kaanun ore iítarattú mana nófore. Laisén sara kiyar ót laisén sara góror kíyar goróyaókkol, uggwá gurafuar kíyargóroya, yáto uggwa egana camil oitfare. Kíyargoróyar górot kíyar íín egaza nalgore, mogor oñnor górot yó kíyar difare.

Laísénfaiya morkoz-buniyadgorí kíyar 

  • Ministry of Education or duara laisénfáiye : Oói
  • Hontará solai : Gair-munafa ar munafa óla tonzim ókkol
  • Kengori kíar nalgoré : Bóc-háasgoíjja gúrup ókkol (ledafua ókkol/gurafua ókkol/ eskuló cururfua ókkol)
  • Kíyar ólla gurafuaindor bóc : 0-12 bosór*
  • Ham solaibar ghondhaókkol : Cómbar ottú Cúkkubar beinna 7 a.m. óttu hazinna 6 p.m.*
  • Córkari modote Hóssa fazai : Oói
  • CWELCC** or duara hómgoijja hóssa ókkol : Oói
  • Háas zoruriyótor zoriya ókkol fazai : Oói
  • Hamgoróyar Káabiliyotiókkol : CCEYA mozin furgram ókkolot homsehom nómboror Rejisthargoijja Fóoilar Gurahalor Elómdouya ókkol (Registered Early Childhood Educators - RECEs) ore hámaha hamotráka foribou. RECE ókkolor cótkara furgram óttu fúrgram ót bodole.
  • Komzur Bakór Cékókkol : Sob hamgoróyalla lage
  • Kengorí dórhas goriba OneList Waterloo Region

Laísénfaiya gór-buniyadgorí kíyar 

  • Ministry of Education or duara laisénfáiye : Oói, Góror Gurafuar Kíyar Ejensir mutabek,zonfoti nalgoróya nóoi.
  • Hontará solai : Gair-munafa tonzim ókkol ar cóoror kónsil
  • Kengori kíar nalgoré : Coço gúrup, (bóc-háasgoíjja nóoi) (ebbere bicí 6)
  • Kíyar ólla gurafuaindor bóc : 0-12 bosór*
  • Ham solaibar ghondhaókkol : 7 dínókkol/hafta, 24 ghondha/din*
  • Córkari modote Hóssa fazai : Oói
  • CWELCC** or duara hómgoijja hóssa ókkol : Oói
  • Háas zoruriyótor zoriya ókkol fazai : Oói
  • Hamgoróyar Káabiliyotiókkol : Górot gurafua kíyar nalgoróya ókkol ottú kisím kisím elómi bekgroun asé zian ekkan laisénola górot gurafua kíyar ajénsir duara monzurgoragiyé. Laisénola górot gurafuar kíyar ajénsi ókkol ottú mocuwara douya ókkol asé zitara RECE or torfottú aiyé, zara nalgoróya ókkolore modot zañse ar CCEYA or kaanun mozin kíyar negerani goré.
  • Komzur Bakór Cékókkol : Kíyardouyar górot táke ar egaza ziyarot gorouya sób dhóoñr manúic ókkol ólla lage
  • Kengorí dórhas goriba OneList Waterloo Region

Laisén sara gór-buniyadgorí kíar

  • Ministry of Education or duara laisénfáiye : Nóoi. Itara hámaha zahergoribou de itara laisénola nóoi.
  • Hontará solai : Uggwá egana, fuafalooya, yáto fuar dékbalgoróya
  • Kengori kíar nalgoré : Coço gúrup, (bóc-háasgoíjja nóoi) (ebbere bicít 5)
  • Kíyar ólla gurafuaindor bóc : 0-12 bosór*
  • Ham solaibar ghondhaókkol : 7 dínókkol/hafta, 24 ghondha/din*
  • Córkari modote Hóssa fazai : Oói
  • CWELCC** or duara hómgoijja hóssa ókkol : Nóoi
  • Háas zoruriyótor zoriya ókkol fazai : Nóoi
  • Hamgoróyar Káabiliyotiókkol : Anjan
  • Komzur Bakór Cékókkol : Anjan
  • Kengorí dórhas goriba : Sída nalgoróyar fuañti

Kíyar ólla gurafuaindor bóc, hamor ghondha ókkol, ar gúrupor mafókkol fúrgram ottú fúrgram nalgoróyaókkol ót bodoli fare.

Waterloo Region ót laisénola gurafuar kíyar ajénsi ókkol zitara fúgram ót córikór ar homgoijja hóssa ókkol zañse itarar ekkan líís olla Canada Wide Early Learning and Child Care (CWELCC) ót soo.

Before and After School Programs

Laisénola Before and After School Programs kindhargartén óttu Kelas 6 foijjonto gurafua ólla becbak eskulót faibo. Fúrgram ókkol íínore bazumótta Extended Day Programs ar/yáto Youth Development Programs (kelas 3-6 sérof) bouli hói. Before and after school ektiyar ókkolor ekkan fuarafuri líís, fuañti zaga ar hontará fúrgram íin sola yían ólla,OneList Waterloo Region ót soo.

Fúrgram íin hontará solaide yíanor uore bóurusá goriyoré, rejisthrecén ar cámil ónóor torikar taalukgoijja alok alok fólosí ókkol ar niyóm ókkol asé. Furgram ókkolor fottí soloyattú hamor alok alok ghondha ókkol, oñnor thaím theból bodolor baabote fólosi ókkol ar torikaókkol, bil, kíyar or hóssa, ar rejisthrecén or notís, kíyar wapesluwa/bón or ektíyar taakibo. Ebbere noyataza maalumat olla, méerbanigorí Licensed Child Care Provider yáto School Board loi kontékgoró.

Tobka 2: Eggwá fúrgram basíluwa
Eggwá fúrgram basíluwa

Luwazadé cízókkol

Zeñtte oñnor gurafua ólla ekkan fúrgram basilór, eçe luwazade bicí cízókkol asé

  • Zaga
  • Hóssa
  • Hamor ghondha ókkol
  • Fúrgramor niyom/ cíkar torika
  • Gúrupor mafókkol
  • Salsolonor fíth
  • Kaabiliyotí ókkol/ elómdouyar threinin/ kíyar douya ókkol
  • Elómdouyar hóssar reith
  • Fúrgram fólosi ókkol

Yían mocuwara diyazar de oñne senthar ót kóól dó ar uggwá ziyarotbuk dó toile oñne gourgorí fariba ar sual ókkol fúsargorí fariba.

  • Morkoz yían/gór yían e estekbalgora, forickar ar béetor héfazot raikkene?

  • Eçe ekkan bala ar córmanor foribec asene zeçe oñnor fua(ókkol) tákebólla ekkan demak nalgoribou

  • Elómdouyaókkol/kíyargoróyaókkol gurafuar zoruriyótor zimmadari óine?

  • Hamgoróyar moidde salsolon ar fisaliókkolor ekkan cííma aséne?

  • Butoror ar báairor foribacókkol bala fithgoijjéne?

  • Foribac yíane fuaindore inkuwarigorá, tosouwúrgóra, báfa, toiyargora ar móckilókkol fáisela goittode ne?

  • Gurafuainde kélar maiddome cékat salugorí cámil oi farené?

  • Oññor fuare mocgúl rakébólla eçe kélar saman ókkol ar cékar cízókkol asené?

  • Morkoz e sérof Registered Early Childhood Educators (RECE’s) ore barágoré, yáto itara threinin sara hamgoróyare hamot rake ne? Ek klássrúm ót howá RECE asé?

  • Morkoz ót hotódin hamgoróyare hamót raíkke?

  • Mínu or maze fottídin bála hana ar rosómi cámilgoijja hanar ektiyar ókkol zañsené?
  • Fúrgram ibat gólibar boraborilla fólosi ókkol ar sób gurafua cámel oibar modot foñsaaine?

Zeñtte morkoz ót sáairgoriba oñne Ministry of Education or duara itarar noya Laisénor Negeranigoragiyene yían sáaibólla fúsargorí faro. Oñne intharneth ót gólifaró ar morkoz ókkolor sóbceaicca noya Public Health Inspection sáai faro.

Miyari mosólaókkol! 

Usol miyari Early Years fúgramókkole gurafuar séheti torkí ar fémliókkolor zindegir miyari torkígora baabote ekkan zorurí rúlgoré. Laisénola Gurafua Kíyar soloyaókkol Region of Waterloo or fuañti miliyóre itarar sewáókkolor miyari torkí goribólla hamgorer. Furgram miyari torkír uore lagatar díandiya yíanore Region of Waterloo’s Quality Initiatives thíím ar Conestoga College’s Professional Resource Centre ókkole modotgoijjé. Fotti bosór sób Laisénola Gurafuar Kíyar fúrgramókkole ekkan lagatar miyari torkí tok mane zianore Early Years Engage bouli hói. Bosóri tok e maalumat zomagoriyeré ze zagaókkol bala hamgorér itarar gourgoríbólla cúrugoré ar ze zaga ókkolor torkí lager íín sinnogoré. Tarfore, laisénola Gurafuar Kíyar furgramókkole fotti mozbut bodolókkolot hamgorar waada de zian e máasusókkol, eganaókkol, ar gurafua ar femliókkolor faidagoréde foribacókkol torkígore, ekkan zindegir usul miyarior ikka loizai. Early Years Engage yían The Ministry of Education ór hédayóti zoriyar  uore boinné: Kengorí Cíka Oó? Early Years ólla Ontario’s Pedagogy. Hédayot yían e elómdouya ókkol fotti din ki gore íín sáaibólla ar itarar hashormo fuaindor ar fémlir uore kengorí nisor só zaga ókkol ót asórgoré íín buzibólla modotgoré: 

 

  1. Sóiyí zuapola dhoñr-gurafuar taaluk kaayem goróon;

  2. Cámelgoijjá cíkar foribacókkol ar tojruba nalgorá zian e cékgora,  ar enkuwari baabote himmót de;

  3. Fémli ókkol/kíyardouya, oinno ókkolor fuañti dusara-cíkoya hisafe gurafuaindore cámilgóra;

  4. Uggwá “tesara macthor” hisafe foribacókkolore flán gorá ar toiyarigorá;

  5. Gurafuaindor báfana ar cíkede íinore daházade endillagorí banaibólla habosfonna estemalgorá; ar 

  6. Soledde báfanaola torika ar miliyóre oinnor fuañti inkuwari hamot córíkóon. 

Halazat, furan decitta ar/yáto Zatforókgorá fémli ókkol ólla modot

Fóóila bósoror sewáókkol ót dáhel óibella oññottú modot lagíle, mesal hísafe, gurafua kíyar olla dórhasgora, gurafua kíyar ót córkari modot, yáto háss zorurí modotókkol, toile Waterloo Region ót aséde ekkan Early Years Navigator or músadagorá ar modot nalgorede sewáókkol ót aijja foñso.

Early Years Navigators ore laayek óiya fémliókkol fuañti halazat, furan decitta ar oinnoókkol zitara Early Years Child Care ót gólibar baabote rukawothókkol máasusgore itarare modotgoríbólla fazaibó. Itara Gurafuar Kíyar ektíyarókkol fazaide íín baabote maalumat nalgoré, OneList ót uggwá ekaouon séthgora ar laisénola gurafuar kíyar fúrgramókkol ót dórhasgora baabote oññore cáijjogoré, gurafuar kíyarot córkari modot baabote maalumat nalgore ar oinno komyunithirzoriyaókkol fuañti EarlyON or fazade morkozókkol ót gólibólla modotgoré, Special Needs Resourcing modot, Public Health ar oinno komyunithi sewáókkol nalgoré. Early Years Navigators baabote aró tuailó.

 

Tobka 3: Laisénola gurafua kíyar ar eskulor age ar foror kíyar ólla dórhasgora
OneList

OneList Région de Waterloo oilde ekkan web-buniyadi fúrgram, zeçe maabafókkol/garjénókkol Waterloo Region ót laisénola gurafuar kíyar (morkoz-buniyadi, gór-buniyadi, ar eskulor age ar foror fúrgramókkol eçe camilasé).

  • Zodi oñne uggwá komputhar yáto mobail zontro loi góli nófaró (mesal hisafe. Hátor fún, tableth), oñne ekkan kutubhana, ekkan komyunithi senthar yáto Region of Waterloo ót ekkan bildhing Welcome Space, (20 Weber St. Kitchener, 99 Regina St. S., Waterloo, yá 150 Main St., Cambridge) ót zaiyere uggwá komputhar estémal gorífaró.
  • Licensed Child Care Operatorse dórhasókkol gosíloi ar itara rejisthrecén ar cámelgoróonor torika solaibou, zeñtte ittarattú oñnor fualla ekkan zaga táke.

OneList ót gurafuar kíyar ór dórhas ólla tobkaókkol:

  • www.OneListwaterlooregion.ca ót zóo.
  • Oñnor nizor ekkan eméil thíkana estemalgoró ar húfiawaadth banaiyóre eggwá ekauón toiyargoró ar oñne fósonor fúrgramókkol ót dórhas goribólla íín tuailuwa ar faibólla tobkaókkol manó.

Ekkan laisénola gurafuar kíyar morkoz talac gororne?

  • Waterloo Region Licensed Child Care (tarfore Morkoz-buniyadi) ekkan laisénola gurafuar kíyar morkoz tuar de yían basíló?
  • Waterloo Region Licensed Child Care (tarfore Gór-buniyadi) ekkan age ar/yáto foror eskul kíyar tuar de yían basíló?
  • “Age ar Foror Eskul Fúrgramókkol tuair?” ór link ór nise klikgoró kiállahoile fotti eskulókkolor ekkan líís ar eskul bócor fúrgram íín hontará solai e baabote sáaibólla.
  • Rejisthrecénor karwai cúru goríbólla munaséf, rong-kudh goijja baathon basíló.
  • Fotti 60 dínókkolor bútore góliyeré oñnor ekoun dhata salu raakó. Hono lorasara sara OneList ekoun  ókkol 60 dínor fore oñnore ekkan eméil diyeré ettála goribou kiállahoíle butorególiyere itarar ekoun salu ráka foribou.

OneList baabote Egaza Fúsargorazade Sual ókkol

Tobka 4: Oñne gurafuar kíyar ólla dórhasgoribar fore zíín oibou
Entezar liis ókkol

Fottí gurafua kíyar fúrgram e itarar nizor entezar líis entezam goré. Itarar entezar líis ót oñnor zaga késsu sóbobókkolor uore benagoré. Mésal hisafe:

  • Oñnor dórhas or tarík
  • Oñnor fuar bóc
  • Kíyar lagede Dín/ghondha ókkol
  • Fúrgramókkol e dórhasókkolore ager aké zeñtte (mogor iín loi cííma noí):
  • Uggwá cuddor baí yá boin fóoila loti cámil goijja oile
  • Uggwá dórhasgoróya ekzon hamgoróya membór
  • Fémlire gurafuar kíyar ólla córkarí hóssa monzurgorgiyé
  • Ekkan tonzim yáto cíkar edaroa loi ekkan razinoma oiyé zian ót itarar hamgoróya yáto eskuilla fuaókkol ólla gurafuar kíyar zagaókkol rízab rákebólla huwágiyé.

OneList e entezar líís or thaímókkol, zagar thaímtaka yáto hali taká zaga baabote hono maalumat nalnógoré. Zeñtte oñnor fua entezarlíis ót aiccee yáto ekkan zaga háli asene yían inkuawari goríbólla, sida fúrgramókkol loi kontekgoró.

Zodi hono harone kíyar nólage, méerbanigorí oññor ekoun ót zóo ar oññor dórhasókkol hóthaifeló.

Ekkan gurafuar kíyar or zagalla zañse

Zeñtte oñnor fualla fúrgram ót ekkan zaga hálitaké zian ólla oñne dórhasgoijjó, fúrgram e oññor fuañti kontékgoriyeré hálizaga oñnore zañsebou. Aambafe, fúrgramókkol óttu ekkan zañsa toiyargoríbólla 24 ottú 48 ghondhar butore ekkan zuab lagé, Etóllabouli oñnor e-méil fottidin cékgora óiyene yían fakkagoró.

Ekbar oñne ekkan zaga faile, fúrgram e oññore itarar ekkan rejisthrecén pékókkol furagoríbólla hóibou. Késsu fúrgramókkol rejisthrecén hóssa yáto thían zoma goitto hóibou, ziba wáapes de fare yáto nóde fare.

OneList or maiddome oñne zehon fúrgramókkol ót dórhasgoró, oñnor uorer tin dórhasókkol ageraka foribou. Zeñtte oñne ekkan fúrgram ót ekkan zaga faiyó, toile faiya zagar dórhas yían dórhas ókkolor nise zaibó ar oñnor ekoun óttu hóthaifelibou. Oññor faíya fúrgram áttuaró agéraka fúrgramókkol oñnor ekoun or uore takibou.

Gurafuar Kíyar or Hóssaókkol

Gurafuar kíyaror hóssaókkol fúrgram óttu fúrgram ót bodole. Hóssaókkol fuar bócor uore benágorí oó, ar bazumotta itara hañzir oiyéde, ghondhaókkolor nombóror uore ó.

Canada Wide Early Learning and Child Care (CWELCC) fúgram or fuañti sáatgorile, CWELCC ot córikorde ekkan gurafua fúrgram ót cámilgoijja só bosóror nisor gurafuar femliókkolore gurafuar kíyaror hóssa homgoijje. Fottidin hóssaókkol mazémaizza $10/din gorí 2025 ót homaibou. Fúrgram ót hontará córikor yían sáaibólla Region of WaterlooCWELCC or websáith ót zoo.

Hóssaókkol baabote aró zanibólla gurafuar kíyar morkoz, góror gurafua kíyar ejénsi, yáto eskul bouth (yáto itarar websáith soo) loi kontékgoró. Macharbari hóssaókkolor fuañti, késsu fúrgramókkol e oinno hóssa loi fare, toile thaímor age yían baabote fúsargorá zorurí.

Gurafuar kíyar ólla hóssa baabote aró modot

CWELCC fúrgram or duara hóssa homaibar fuañti, késsu fémliókkol yó gurafuar kíyar hóssa baabote fore thiañfoisar modot faibólla láayek ó. Region of Waterloo, Child Care Subsidy fúrgram e laisénola gurafuar kíyar ólla hóssa diyere maabafókkolore modotgoré etollabouli itara hamót yáto eskulot zaifaré. Child Care Subsidy e ekkan fémlir gura fuar kíyaror hóssaókkol furafuri yáto híssa mozin solai fare.

Child Care Subsidy baabote aró zanibólla, Child Care Subsidy websáith soo yáto 519-575-4400 ót kóol goró. Oñne onlain kalkuleithar13 yó estemagori fariba.

Mabbafókkole Child Care Subsidy ólla eçe onlain ót dórhas gorifariba yáto fún or duara 519-575-4400 nómbor ót kóolgori faribo. Child Care Subsidy ólla kíyar cúru oibar 16 hafta age oñne dórhas gorífariba. Zeçe laisénola kiyar ólla entezar thaímókkol 16 háfta áttuaró bíci oitfare, oñne Child Care Subsidy ólla ekkan dórhas zomagoribar age laisénola kiyar ólla dórhas gori fariba.

Háas zoruriyótókkolor modotókkol

Zodi oñnottú gurafuar torkí baabote síntaókkol tákile, kóólgoró Special Needs Access Point (SNAP) ót 519-514-SNAP ót, Special Needs Access Point websáith soor, yáto eméil goró snap@kwhab.ca ót.

SNAP oilde 0-12 bosóror gurafuar sewáókkol ar modotókkololla háwalaókkol ólla golibar ehála ekkan matá zitara laisénola gurafuar kíyar yáto Waterloo Region or butore Before or After School Program (School Board e solaide fúrgramókkol sara) ot córikór yáto córíkóibólla flángorer. SNAP Resource Coordinator e oñnor síntaókkol loi mocuwaragora ar oññor fuare modotgoribólla hondhóilla modotókkol faazai íín baabote boiyangoríbólla oñnor loi konték goribou.

Oññor gurafuar kíyar baabote Sualókkol yáto síntaókkol aséne?

Laisénola gurafuar kíyar

Fóoila tobka oilde oñnor gurafuar kíyar elómdouya/nalgoróyar loi hótahuwa.

Zodi itara oñnor maamela fáiselagorí nófare, morkoz suparvizor/góror gurafuar kíyar mocuwaradouyar fuañti hótahó.

Zodi aijó oñne maamela fáiselagori nófaró, oñne Ministry of Education borabor ekkan nalic fail defeço:

Region of Waterloo Children’s Services or eçe 519-575-4400 nómbor ót kóol diyeré oñne sínta/nalic cíiar gorí fariba.

Waterloo Region District School Board (WRDSB) Licensed Before/After School Programs

Aró maalumat yáto sual ókkol ólla (Maabaf Hátkítab, folosíókkol, bilór inkuwaríókkol, théex gosífaiyedehabos yáto thaímthebol bodolaókkol baabote).

Eméil: care@wrdsb.ca 

Fún: Extended Day Maalumat Lain 519-570-0003 ót ext. 4704

Websáith: WRDSB Extended

Waterloo Catholic District School Board (WCDSB) Licensed Before/After School Programs

Registered Early Childhood Educator (RECE) or Extended Day Program ót méerbanigorí oñnor sualókkol yáto síntaókkol sída hóidó.

Aró maalumat yáto sualókkol ólla (Maabaf Hátkítab, folosíókkol, bilór inkuwaríókkol, théex gosífaiyedehabos yáto thaímthebol bodolaókkol baabote).

Eméil: extended.day@wcdsb.ca

Fún: 519-578-3660

Websáith: WCDSB Extended Day

Aró zoriyaókkol

  1. Early Learning And Child Care Navigators - Early Learning and Child Care Navigators - EarlyON Child and Family Centre (earlyyearsinfo.ca)
  2. Ministry of Education - https://www.ontario.ca/page/child-care-rules-child-care-and-early-years-act
  3. OneList Waterloo Region https://regionofwaterloo.onehsn.com/
  4. Canada-Wide Early Learning and Child Care Program - Canada-Wide Early Learning - Region of Waterloo
  5. Uggwá Gurafuar Kíyar Nalgoróyare fúsragorazade Sualókkol - https://www.ontario.ca/page/questions-ask-child-care-provider
  6. Public Health Inspections -https://checkit.regionofwaterloo.ca/Home/About?returnUrl=~%2FSearch%2FByTable
  7. Eggwá Miyari Gurafuar Kíyar Fúrgram or húbiókkol-https://www.regionofwaterloo.ca/en/living-here/find-quality-child-care-and-early-learning.aspx
  8. Early Years Engage, ekkan miyar ola cúruwat, Region of Waterloo or maiddome, lagatar miyari béetorgorat gurafuar kíyar soloyaókkolor modot ólla-https://www.regionofwaterloo.ca/en/living-here/quality-improvement.aspx
  9. Ministry of Education or zoriya hédayot: How Does Learning Happen? Ontario’s Pedagogy for the Early Years - https://files.ontario.ca/edu-how-does-learning-happen-en-2021-03-23.pdf
  10. Barbár Fúsargorazadé Sualókkol baabote soo OneList - https://www.regionofwaterloo.ca/en/living-here/resources/Childrens-Services/DOCS_ADMIN-2211322-v8-OneList_FAQ_for_Parents.pdf
  11. Ontario Child Care Tax Credit https://www.ontario.ca/page/ontario-childcare-tax-credit
  12. Region of Waterloo, Child Care Subsidy websáith - https://www.regionofwaterloo.ca/en/living-here/help-paying-for-child-care.aspx#
  13. Region of Waterloo, hóssar córkari modote kalkuleithar - https://www.regionofwaterloo.ca/en/living-here/child-care-subsidy-calculator.aspx
  14. Special Needs Access Point (SNAP) https://www.kwhab.ca/early-learning/snap/
  15. Family Compass Waterloo Region - https://www.familycompasswr.ca/en/index.aspx
  16. Ministry of Education, gurafuar kíyar baabote nalicókkol- https://www.ontario.ca/page/make-child-care-complaint
  17. Waterloo Region District School Board (WRDSB) Extended Day Program https://www.wrdsb.ca/beforeafter/
  18. Waterloo Catholic District School Board (WCDSB) Extended Day Program https://www.wcdsb.ca/our-schools/register-for-school/extended-day-program/

Contact Us